ახალი საიმედო ინფორმაცია

დღეს, 30 იანვარს სკანდალური ინფორმაცია გავრცელდა – ამერიკის საკვებისა და წამლების ადმინისტრირების ფედერალურმა სააგენტომ (FDA) შვეიცარიულ ფარმაცევტულ კომპანიას „Roche“ პოტენციური წამლის გამოცდისთვის გრანტი გამოუყო, წამალს კი აუტიზმის თერაპიის მნიშვნელოვანი მიღწევა უწოდა.

ფარმაცევტული კომპანიის ცნობით ეს იქნება პირველი მედიკამენტი, რომელიც აუტიზმის ძირითადი სიმპტომების სამკურნალოდ იქნება გამოყენებული.

მედიკამენტის სახელწოდებაა ბალოვაპტანი (Balovaptan). ის ჩაითვალა სოციალური ინტერაქციის და კომუნიკაციის პოტენციურ სამკურნალო საშუალებად.

FDA თერაპიაში მნიშვნელოვან მიღწევის სახელს მხოლოდ იმ მედიკამენტს არქმევს, რომელსაც რომელიმე სერიოზული პრობლემის იმედისმომცემ სამკურნალო საშუალებად თვლის. ამ სტატუსის მინიჭებით ის აძლევს პრიორიტეტულ დახმარებას მისი წარმოების განვითარებისთვის საჭირო კვლევებს.

აქამდე მხოლოდ ორი მედიკამენტი – რისპერიდონი და არიპიპრაზოლი – ითვლებოდა FDA-ს მიერ აპრობირებულ სამკურნალო საშუალებად, თუმცა არც ესენი და არც დღემდე არსებული სხვა მედიკამენტი არ ითვლებოდა აუტიზმის ძირითადი სიმპტომების სამკურნალო საშუალებად.

აუტიზმის მქონე ზრდასრულებში გასულ წელს ბალოვაპტანზე ჩატარებული კვლევა წარმატებით დასრულდა, ის ეფექტური აღმოჩნდა გამომწვევი სოციალური ქცევის შემთხვევაში და ამავე დროს მისი გამოყენება იყო უსაფრთხო. მეორე კვლევა, რომელიც ტარდება ბავშვებსა და მოზარდებში, ჯერ არ დასრულებულა.

ვარაუდობენ, რომ 2020 წლისთვის უკვე შესაძლებელი იქნება მედიკამენტის რეგისტრაცია. აღნიშნული ინფორმაცია ძალიან დამაიმედებელია და გადავწყვიტეთ ჩვენი სიხარული თქვენთვისაც გაგვეზიარებინა.

წყარო:

https://www.disabilityscoop.com/2018/01/30/fda-breakthrough-autism-drug/24649/

https://www.newsmax.com/t/health/article/840010?section=health-news&keywords=autism-drug-breakthrough-status&year=2018&month=01&date=29&id=840010&aliaspath=%2FHealth%2FArticle%2FArticleTemplate&oref=autismgazette.com